Coğrafya u hometa Dêsımiya ke tede zobina qom u kulturi pia weşiyêne, her daim bınê car u tehlike de biye. Ewro ki metay (ha kırışnayêy, ha nêkırışnayêy) ge sebebê afeta ra, ge sebebê abuhewa ra, ge ge ki zeraro ke isani danê cı, a rubal ra bınê tehlikê derê. Ze zon, itıqat, adet u tore, müzik be ayina nê nemetayê kulturiyê qimetıni ki ebe tesirê asimilasyoni hedê vindibiyaene derê.
Ebe digital kerdene u virituel musnaena meta be nemetayanê kulturê Dêsımi wazenime:
– Nê variyeta qori kerime, ebe halê inano digital ina ze eslê xuyo verên vırazime, vıraştene dime.
– Kulturê Dêsımiyo mêras mendey ebe halo digital finime ra ke, kamiya xuya kulturi naskerdene de xızmeta xo hem bıreso hometa mawa Dêsımi, hemi ki bıreso Dêsımıcê ke welatê xora tever weşiya xo ramenê, ina.
– No kar u gure hayrê aydiyetê hometa xuya sosyale biyene de cırê xızmete bıkero.
– Kesê ke a coğrafya ra amê diaspora mavênê ina u kulturê inano bıngeyin de alaqa ronaene ra gore jü nişangê xoviriardene bo.
– Kulturê Dêsımiyo mêras mendey asaişê de enternasyonal resnenime ke, ebe na qêyde wertê zobina kultura de alaqa ronaene ki rehete bo.
– Kulturê Dêsımiyo mêras mendey ebe halo de digital kenime xızmeta tarıxnas, arkelog u zobina dozçarnayoğa ke, wa nê kulturi keşf kerê, sera xori, xori bıguriyê.